योग हाच निरोगी जीवनाचा मूलमंत्र-डॉ. मूर्ती

प्रतिनिधी गुलशन बनोठे सालेकसा

सालेकसा -प्रताप मेमोरियल चॅरिटेबल ट्रस्ट गोंदिया द्वारा संचलित शंकरलाल अग्रवाल विज्ञान महाविद्यालय सालेकसा येथे दि 21 जून 2025 रोजी आंतरराष्ट्रीय योग दिवस निमित्त योग व ध्यान कार्यक्रम घेण्यात आला. या कार्यक्रमाच्या अध्यक्षस्थानी महाविद्यालयाचे प्राचार्य डॉ.एस. नारायण मूर्ती व प्रमुख अतिथी पदी डॉ. खुशबू सोनी हे उपस्थित होते. डॉ.सोनी यांनी सर्व कर्मचारी यांचेकडून वेगवेगळ्या प्रकारचे आसन व ध्यान करवून घेतले तसेच आपण आपल्या घरी रोज योग करून कशाप्रकारे निरोगी राहू शकतो याबद्दल माहिती दिली. या कार्यक्रमाचे आयोजन शासकीय आदेशानुसार वनस्पतीशास्त्र विभागप्रमुख डॉ.अपर्णा खुरसेल व रासेयो चमूच्या वतीने डॉ.संजय बिरनवार यांनी केले. याप्रसंगी सर्व विद्यार्थी प्राध्यापक वृंद व शिक्षकेतर कर्मचारी उपस्थित होते.